Muduruma una maleu manji. Muduruma ni mut'u yets'itsagula maleu, kakamwe achikala ni muzima hata k'alumwa ni phat'u. Ndo mana unaidima kumusikira unamba, "Ni muzima hata gonzi narya." Ela hata vivyo leure bomu ni wari. Gaga gatuwirizago ni sehemu ya maleu ga muduruma: wari, manga, marenje, vimumunye, munadunadu, mushombo, mufuru na manjine manji. Muduruma urya nyama achitekerwa ela mbogaye bomu ni mutsunga. Yiyi yituwirizawe ndiyo mitsungaye: mutsunga wa utsungu, tsafe, chisenywa, tsalakushe, phombo, changani, bwere, chifuka, demu, muchet'u wa t'anga, chipwere, chigwada.